بوابة الاشتراكي

إعلام من أجل الثورة

قصيدة: آخر جملة مفيدة

INDIA-AFRICA-TRADE-SUMMIT

مشي المواكب يا ولا مشي المواكِب
واجمع جيوشك يا ولا وتعالى حارِب
حارب عدوّك يا ولا شر المشارِب
ده شعب مصر يا ولا أبو التجارِب

شرقك لحفتر يا ولا وغربك أسد
ماهو إنتو عسكر يا ولا حاميين لبعض
بتحبو كرسي الحكم يقعد للأبد
فاكرين جنابكم يا ولا وارثين الأرض

وياريتها بتدوم يا ولا في ورثكم
كل الأراضي مُباحة وكلكم عوّاد
جولان تيران دايرين تبيعوا أرضكم
أهي كل كدبة يا ولا ليها ميعاد

جيشك حاميك يا ولا إوعى تخاف
والشرطة تقتل وتحبس إوعى تخاف
والشاشة تكدب تضلل إوعى تخاف
والقاضي يحكم يا ولا إوعى تخاف

وابعت عبيدك
ورقّص
ومن كل حدب
مِـ***
أو أي كلب
في شاشة
ويستضيف
أي باشا
ويقرروا
في الحقايق:

ده حد عالي ورايق متحدثاً باسم الفقير
والحريات والحقوق يشرحها ضابط كبير
مخلص كل خدمته والشعب تحت جزمته
وده بغبغان لازمته: عايزين يهدوا الدولة

والدولة دي ماتتبنيش
غير بالسجون والشاويش؟
والقتل بدون رصيد؟
وكإن شِعري مُفيد!

شوف يا رفيقي وصديقي
ودي آخر جُملة.. مفيدة
من غير تغيير.. حقيقي
مفيش نهاية للقصيدة

التعليقات