من هتافات مسيرة «جمعة مصر مش عزبة»
من هتافات المسيرة الثورية التى انطلقت من ميدان مصطفى محمود إلى التحرير أمس:
إوعى يا ثوري تخون أفكارك.. الشيخ مرسي هو مبارك
صوت الثورة طالع طالع .. م الشوارع والمصانع
والعدالة الاجتماعية .. هى طريقنا للحرية
والحرية بأيد الناس .. مش بالحاكم والحراس
آدى بطالة وآدى تجويع .. وآدى بلاد معروضة للبيع
مش عايزين قروض دولية .. ولا من قطر والسعودية
خيرت شاطر حلق حوش .. مشروع نهضة طلع فنكوش
وآدى الحالة لاقتصادية .. مشروع نهضة خيبة قوية
وعشان يكبر راس المال .. نازلين دبح فى العمال
فصل العامل بقى مشروع .. والاضراب اصبح ممنوع
الاضراب مشروع مشروع .. ضد الفقر وضد الجوع
الاضراب العام مشروع .. ضد بقايا نظام مخلوع
يا إخوان صباح الخير .. خيرت شاطر ملياردير
يا إخوان صباح الطين .. الكتاتني قط سمين
فلسطين عربية .. رغم أنف الصهيونية
إوعى يا ثوري تخون أفكارك .. كامب ديفيد عاري وعارك
بنرددها جيل ورا جيل .. بنعاديكي يا إسرائيل
بكره الشعب الثوري أكيد .. يسقط سلطة كامب ديفيد
قتلوا مينا بالرصاص .. وادوا هدية للقناص
اضرب غاز اضرب حي .. وانت يا سيسى دورك جاى
اقتل واحد اقتل ميه .. مش هتنسونا القضية
اضربونا بالقناصة .. لسة ف قلبى مكان لرصاصة
اضربونا بالرصاص .. إتعلمنا الدرس خلاص
يسقط يسقط .. حكم العسكر
يسقط يسقط .. حكم المرشد
عيش.. حرية.. إسقاط التأسيسة