بوابة الاشتراكي

إعلام من أجل الثورة

فن وأدب

قصيدة

أنا عايز افهم واللهِ

دلوقتي انا عايز أفهم

والعب لعبتكُم ديّة

هو الواحد يترقّى

بعد امّا بيقتل ميّة؟

هوّ انتو بتحموا الناس؟

ولا بتحموا الحرامية؟

لو ربّك سألك: ليه؟

هتقولّه عشان داخلية؟

 

أنا عايز افهم واللهِ

شايفين ازاي الناس؟

لو مصريين زيينا

عايزين ليه منّا مداس؟

بتحسّوا بإيه بعديها؟

ولّا فقدتوا الإحساس؟

طب خَدتُم إيه مـ اللعبة؟

هل مثلاً خَدتوا الكاس؟

 

اللي بتقتله ده أخوك

من نفس الطين والأهل

والفرق مابينكُم سُلطة

مش فكرة عِلم وجَهل

الطفل اول ما بيكبر

يشرب من النيل والنهل

من قبل ما ينطق يعرف

قتل الإنسان مش سَهل

 

لوتفتح راسك حبّة

هتلاقي الوضع خطير

إنتا اللي فـ وش الصورة

ووراك سفّاح ووزير

قتل الثوّار والطَلَبة

يحميه من هَم كبير

الطلّاب للمُستقبل

والثّوار للتغيير