بوابة الاشتراكي

إعلام من أجل الثورة

فن وأدب

قصيدة

طير النورس

 

إمشي بسرعة

يا طير النورس

قبل ما يوصل

كهنة حورس

ويشوفوك بتغنّي أغاني

شمس جديدة في كل صباح

صوتي اتحاش

أملي راح

والخوف عاش

جوة جراح

 

لسة مجاش؟

جه وارتاح

وش البومة

عبـ فتّاح

– إيه يا حكومة؟

– إيه يا شعب؟!

– ليه الشومة؟!

– هوّ الأب!

– ليه النار؟!

– هوّ الرب!

– والثوّار؟

– ليهم الحرب!

– والأحرار؟

– ليهم الضرب!

– والأنوار؟

– هنطفّيها

– والأسوار؟

– هنعلّيها

ونجمّع أمثالكُم فيها

أمثالكُم دول غير أمثالنا

مصر اتخلقت لاجل جمالنا

والثروات دي لاجل عيالنا

والأموال دي من أموالنا

والسلطة تساعد أحوالنا

وآهو قائدنا الغالب جالنا

هيرجّعلنا كل ما فات

انسوا الثورة والهتافات

وانسوا الميادين والأعلام

فاكرين رابعة قتلنا كام؟

ومحدش كلّمنا كلام

ولازلنا حاكمين بسلام

وهنسجن وهنقتل أكتر

وتعيش مصر فـ حُكم العسكر