رسالة من المعتقل كريم درة

كريم رشدي درة، 23 سنة، من ثوار محافظة دمياط. شارك في الثورة منذ أيامها الأولى، كما شارك في معارك الثورة التي تلتها، وفي عهد الإخوان كان متهما بحرق مقر مستشارين قانونين للإخوان بشارع الجلاء وتم اعتقاله في الذكري الثالثة للثورة يوم 25 يناير 2014 وهو في مسيرة الاشتراكيين الثورين و6 أبريل وجبهة طريق الثورة، والآن هو رفيق حبس لقيادات الإخوان!

يوم 24 يناير، نزل الفلول ميدان الحرية (البوستة) في دمياط بصوري، أنا وأخويا أحمد وعبد الرحمن زغلول، وكانوا عايزين يسلمونا وإن إحنا إخوان. في يوم 25 يناير اتمسكت من وسط البلد والتهم الموجهة لي هي قتل 5 والشروع في قتل 11 منهم سيد وزة الله يرحمه وده واحد مننا.
سيبك من كل اللي فات ده واللي حصل بعده..
كان عندنا محاكمة في معهد أمناء الشرطة، المهم وصلنا المحكمة وقاعدين في القفص سمعنا صوت مدرعة وضرب خرطوش، فكرنا الضرب على أصحابنا اللي برة وخارجين نتعرض ع القاضي في خروجنا لقيت اللي جنبي في القفص: باسم عودة، وعصام العريان، ومحمد بديع، وصفوت حجازي، وعصام سلطان.
باسم عودة واقف علي الباب بيقولنا ربنا معاكوا يا شباب شدوا حيلكوا، وصفوت حجازي مبتسم وبيعملنا علامة رابعة، ومحمد بديع: اثبتوا يا شباب!!