القضاء القاتل

قضاة مصر مش بس مجرمين وظلمة، لأ دول بشكل واضح “قتلة” … وليهم طرق مختلفة في القتل، ودي أبرز الطرق في خلال السنة الأخيرة:

1- أحكام إعدامات جماعية على معارضي النظام: وده اتكرر من أكتر من قاضي خلال السنة اللي الأخيرة ولكن أبرزهم كان سعيد صبري قاضي إعدامات المنيا اللي حكم في قضيتين بالإعدام على ما يزيد عن 1200 شخص!

2- منع الخدمة الصحية عن المعتقلين السياسيين اللي همة بينظروا قضاياهم لما حالتهم الصحية تتدهور: زي ما حصل مع أحمد دومة من قبل القاضي المجرم محمدناجي شحاتة في شهر أكتوبر الماضي لما حالته الصحية اتدهورت نتيجة الإضراب عن الطعام وقرحة المعدة ورفض القاضي وقتها نقله للمستشفى إلا بعد يومين من الضغط الإعلامي والحقوقي رغم أن إدارة السجن والنيابة العامة كانوا مقرين بحقه في النقل للمستشفى يومها!

3- الإصرار على الحبس الاحتياطي للمعتقلين السياسيين رغم تدهورت حالتهم الصحية لدرجة تهدد حياتهم بشكل واضح: زي ما عمل برضه المجرم ناجيشحاتة مع محمد سلطان وإصراره على استمرار حبسه الاحتياطي رغم إنه الآن ما بين الحياة والموت، وشاف الموت فعلا لمدة قصيرة قبل إنقاذ الأطباء ليه من أسابيع!

4- القتل المباشر بالسلاح الشخصي: وده اللي عمله القاضي المجرم محمد صادق القاضي في محكمة جنوب القاهرة لما قتل من أيام محاسب لخلافهم على أولوية المرور في منطقة الوايلي في القاهرة فقام بكل بساطة طلع طبنجته وضرب المحاسب رصاصة في راسه اتحجز بسببها يومين في المستشفى وتوفي بعد كدة، القاضي ده بالمناسبة أخد إخلاء سبيل في الأول وبعد ما القضية بقت قضية رأي عام النيابة استأنفت على قرار إخلاء السبيل!