ملحمة اعتصام الضرائب العقارية

اشهد أشهد يا تاريخ.. العقارية على الرصيف
موظفين موظفين.. شربوا المر.. وشربوا الطين
موظفين العقارية.. ما فيناش أحزاب سياسية.. كلنا من العقارية
إسماعيل يا عبد الرسول… هي ديا مش أصول
تأكل اللحمة.. ونأكل الفول
إسماعيل يا عبد الرسول.. يلا يلا يلا غور
إسماعيل عبد الرسول..واكل حقي على طول
يا عقارية أدى ولادك..جم يهتفوا باسم ولادك
جم يهتفوا باسم نظيف..يا منيمنى على الرصيف
بطرس بيه يا بطرس بيه.. أنت بتقبض كام جنيه
بطرس بيه يا بطرس بيه.. إحنا ينقبض كام جنيه
بطرس بيه يا بطرس بيه..العقارية عملت إيه
موظفين موظفين.. شربوا المر.. وشربوا الطين
موظفين العقارية.. ما فيناش أحزاب سياسية.. كلنا من العقارية
الأعداد بتزيد بتزيد.. وإحنا عزيمة حديد في حديد..
وقاعدين ليوم العيد
حسنى مبارك يا أبو علاء.. قوم أرحمنا من الغلاء
قوم يللا أصدر قرار.. وإحنا هنا في انتظارك
حسنى مبارك يا رئيسنا.. يا ناصفنا ورافع رأسنا
يا تجينا يا أما نروح لك..لازم لازم من قرار
مش ماشين إلا بقرار.. مش ماشيين إلا بقرار
مهما يطول الانتظار.. مش هنفك الاعتصام
لو صدرت القرار .. هنفك الاعتصام
وكمان مش هنام.. هنحصل ليل ونهار.. بعد صدور القرار
ياما سهرنا الليالي.. في عمل الختامي
ردوا على يا شباب..القرار ورا الباب
يا وزير يا وزير.. يا وزيرنا رد علينا
نسرق ولا نمد أدينا
هنوردها خالية.. هنوردها خالية
قفلناها قفلناها.. بالضبة والمفتاح.. خلى المسئول يرتاح
قفلناها قفلناها.. بالضبة والمفتاح
بالإصرار والعزيمة.. هنسلم القسيمة… هنسلم القسيمة
لازم لازم عن القرار
يا رئيسنا.. تعالى وشوف.. العقارية ع المكشوف
المأمور ويا الصراف.. نايمين ع الرصيف
الأعداد بتزيد بتزيد..وإحنا عزيمة حديد في حديد
وقاعدين ليوم العيد.. مش ماشين إلا بقرار
مش ماشين والحق معانا.. ضد وزير بيتحدانا
مش ماشين والحق معانا.. ضد حكومة بتتحدانا
يا وزير مش لوي ذراع.. يا وزير الحق ضاع
يا شارع حسين حجازي.. لك حبي واعتزازي
يا وزير المالية.. الضرائب هيه هيه
يللا تعالى بص وشوف.. العقارية على المكشوف
يا وزير الداخلية.. رجالتك دول ميه الميه
يا وزير الداخلية.. نشكركم على الوقفة دية
أحمد بيه يا نظيف.. ثامن.. يوم على الرصيف
لازم لازم من قرار
اشهد أشهد يا تاريخ..العقارية على الرصيف
يا رئيس الوزراء.. عاوزين عودة للوراء
مش ماشين إلا بقرار.. مهما طال الانتظار
يا تساونا بالمصلحة.. يا تودونا على المشرحة
بالعزيمة والإصرار.. لازم لازم من قرار
بالإصرار والعزيمة.. يلا نسلم القسيمة
وردناها خالية.. وهنوردها خالية..للقيادة العليا
ما فيناش أحزاب سياسية.. كلنا من العقارية