أغلقوا مصانع الرصاص.. وانقلوا العمال لمصنع بهتيم

المصانع دي عند الأجانب اتقفلت من زمان بسبب خطورتها على الأهالي والعمال. وعصفور علشان جشع، فاتح المصنع في وسط الأهالي. وبيشغله 3 ورديات، ومش فارق معاه العمال والأهالي يموتوا.. المهم هو يكسب.

العمال عندهم نسبة رصاص عالية في الدم وبيبعتهم لمعامل تكذب عليهم وتقولهم انتوا سُلام، وياريت بيدفع لهم فلوس عدلة.. لأ بيسرقهم وحتى كمان بيفصلهم بعد لما بياخد شبابهم وصحتهم.

الأهالي كانوا صابرين عليه بحجة إن ولادهم شغالين عنده، دلوقتي عايزين نتضامن مع بعض عمال وأهالي ضد مصنع الموت، ونطالب بقفله وتعويض المتضررين، ونقل العمال لمصنع بهتيم، وكمان لابد من عودة المفصولين للشغل.

حركة الاشتراكيين الثوريين
16 نوفمبر 2013