العصيان والإضراب أقوى من المولوتوف

ليه الدولة بتسرقنا؟
بيقولوا مفيش فلوس عشان الحد الأدنى والأقصى للأجور:
وتلاقى واحد بياخد 200 جنيه وواحد بياخد مليون جنيه!! يبقى مفيش إزاى؟؟!!

بيقولوا مفيش فلوس للدعم:
مع أن الدعم 125 مليار بيروح منهم للغلابة أقل من 22 مليار والباقى بيروح لكروش الشركات الكبيرة اللى بتبيع لنا تانى انتاجها بالأسعار العالمية دا اذا باعت هنا او تصدره للخارج يعنى بتسحب من الاحتياطى النقدى (وتاخد دعم للصادرات دى كمان).
وبدل ما يرجعوا الفلوس اللى سارقها رجال الأعمال وهى بالمليارات بيقدمولهم قانون يتصالحوا بيه معاهم!!

بيقولوا مفيش مكان عشان نشغل الناس ولا تثبيت العمالة المؤقتة:
وفى نفس الوقت بيقفلوا المصانع ويشردوا العمال ويرفضوا يرجعوا شركات القطاع العام اللى القضاء حكم برجوعها للدولة

بيقولوا مفيش فلوس عشان نوفر سكن للشباب:
عشان الأرض ياخدها رجال اعمال بمبالغ رخيصة جدا زي حسن مالك وغيره عشان يبنوا عليها مشاريع فلل وشاليهات سياحية!!!

قالك هيخلى العلاج بالمجان:
ورفضوا يزودوا ميزانية وزارة الصحة، وعملوا مشروع تأمين صحى هايدفعنا فلوس علاجنا!!!
ولسه هيفرضوا ضرايب على كل حاجة من اول السجاير لحد النقل والمواصلات والمياه والكهرباء يعنى كل الاسعار هتتضاعف والمرتبات زى ما هي!!!

قالوا مفيش فلوس عشان نعمل أي مشروعات اقتصادية:
ومع ذلك قنابل الغاز موديل السنة وبدل واقية واسلحة بمليارات للأمن!!!
بيسرقوا مننا علشان يشتروا اسلحة يقتلونا بيها
وبعد كل دا يقولوا نجيب لكوا منين ؟!!!!

انزلوا الشوارع ارفضوا تدفعوا الفواتير اضغطوا على مكاسبهم وقفوا لهم حنفيات الارباح اللى بتروح لجيوبهم … ساعتها بس الثورة هتنتصر…

العصيان المدنى دا حق.. ارفض تتسرق ارفض تموت وانت ساكت اصرخ بعلو صوتك ما تسبش حد يسرقك باسم الدين او الاستقرار
العصيان هو الحل.. ضد الفقر وضد الذل
السلطة والثروة حق للشعب
العصيان والإضراب أقوى من المولوتوف

معادنا الجمعة الجاية 8 مارس علشان نزل نقول لأ للعصابة الحاكمة وسياساتهم الاجرامية

حركة الاشتراكيين الثوريين – الدقهلية