حلول لمواجهة حجب وسائل التواصل الشائعة أو الإنترنت عمومًا

بما أن الحكومة ممكن تحجب تطبيقات الاتصال الإلكتروني الشائعة في أي وقت أو حتى تقطع الإنترنت كلّها فالناس ال في الشارع علشان يقدروا يتواصلوا محتاجين تطبيق للتواصل اللامركزي.

الناس في العراق و المتظاهرين في هونكونغ استعملوا Firechat في 2014 و في 2019. هو مش مفتوح المصدر فمش الاختيار ال أوصي به لكنه يقضي الغرض. فيه رسائل مباشرة خاصة، و مجموعات خاصة، و نقاشات عمومية (بناء على الهاشتاج).

حل آخر هو تطبيق Briar الحرّ مفتوح المصدر، فيه رسائل مباشرة خاصة، و مجموعات خاصة، ووسيلة لنشر ميكرومدونة معارفك بس ال يقدروا يقروها فيعرفوا منها أحوالك، و منتديات عمومية.

التطبيقين دول يستعملوا بلوتوث أو وايفاي المباشرة (من غير إنترنت) لنقل الرسائل. و ممكن كمان يشتغلوا على الإنترنت أما يكون فيه اتّصال.

فيه تطبيق ثالث شبيه هو qaul.net قَوْل اتعمل بوحي من التحرير 2011 فيه وظائف مشابهة: رسائل خاصة مباشرة، و إرسال ملفات، و محادثات صوتية.

في التطبيقات الثلاثة دول كل مستخدم يساهم في نقل الرسائل للآخرين بتمريرها من جهاز لجهاز وصولا إلى وجهتها النهائية، مع حفظ سرية الرسائل ما بين المرسل و المُرسَل إليه.

تعطيل شبكة المحمول و|أو الإنترنت ممكن يكون محلي جدا. يعني في مناطق جغرافية بعينها. بالإضافة إلى أن حتى لو مافي تعطيل أو إبطاء متعمّدين، فمجرد وجود عدد كبير جدا من التلفونات في حيز جغرافي واحد بيحمّل الشبكة فوق طاقتها و ممكن يوقعها.

و أخيرا، بفرض أن رسائل SMS هي الوسيلة الوحيدة الشغّالة (ما قطعوش الموبيلات) و يهمنا حفظ سرية المراسلات و منع التنصّت عليها فتطبيق Silence.im يحلّ المسألة دي بتعميتها؛ يعني يخلي رسائل SMS سرية زي رسائل Signal. طبعا لازم الطرفين يكونوا بيستعملوه.

ماتنسوش تتحقّقوا من المفاتيح، في سجنال أو غيره. من غير تحقق من المفاتيح مافيش ثقة في سرية المراسلة و ممكن يكون طرف ثالث في المنتصف بيتنصّت.

من يحب يساعد بتجربة كل منهم و تقييمهم و كتابة أدلة استعمال واضحة بالعربي لكل من برَيار و فَيَرتشات و قَوْل؟

ــــ

تحديث: ناس كثير سألت عن نقطة التحقق من المفاتيح و هي فعلا نقطة مهمة جدا عادة الناس بيغفلوها. شوفوا:

https://smartphones.gadgethacks.com/…/signal-101-verify-id…/