بوابة الاشتراكي

إعلام من أجل الثورة

هتافات إضراب واعتصام عمال شركة إسكو بقليوب (فبراير 2005)

يا اللى بعتو الغيط والمصنع
بعتو حياتنا للسمسار
مش راح نخضع مش راح نخضع
يسقط يسقط الاستثمار
***
يا استثمار يا استثمار
مين ولع في الأسعار
يا استثمار يا استثمار
مين غلا في السولار
يا استثمار يا استثمار
مين بعنا للدولار
يا استثمار يا استثمار
مين زود في العاطلين
يا استثمار يا استثمار
مين سرق التأمين
يا استثمار يا عرة يا نيلة
اسمعوا بقة صوت الشغيلة
مش راح نقبل نبقى نهيبة
احنا صحينا احنا صحينا
***
المصانع للعمال
مش لعصابة راس المال
والعمال قبل الأرباح
يا لصوص الإنفتاح
***
عم السيد سيد راشد
وديت فين حق العمال
لسه عامل فيها عامل
ولا بقيت راجل أعمال
***
عز الدين يا عز الدين (رئيس مجلس إدارة شركة اسكو)
خدت عرقنا وبعته لمين
عز الدين يا عز الدين
مين سرق التأمين
***
عم سعيد يا عم سعيد (مدير المصنع)
ليه بتبعنا وتبقى بعيد
عم سعيد يا عم سعيد
بكرة حقوقنا راجعة أكيد
خليك فاكر خليك فاكر
العمال قبضتها حديد
***
حط القطنة
جوا المكنة
ويا عرقنا
تطلع خير
يجى الديب
والمحاسيب
يخدو الغلة
تصبح ثروة
على برة تطير
***
الإضراب حق العمال
ضد ظلم راس المال
***
اثبت.. اجمد… إضرب.. إضرب.. إضرب.. إضرب