من هتافات الضرائب العقارية

واحد أثنين.. وزير المالية فين؟
بالروح والدم رزق عيالنا أهم
يا نظيف لو هتنام.. راح نطلعلك في الأحلام.. يا نظيف فتح عينيك.. الطوفان جاي عليك
لو كنا أمريكان.. كنتو جيتولنا من زمان
لو كنا من بريطانيا كنتو جتولنا في ربع ثانية
لو كنا من الكويت.. كنتو جيتو لحد البيت
لو كنا من الإمارات كنت جيت يا وزير بالذات
ومفيش تحصيل ومفيش تحصيل.. حنوردها خالية
إييييييييييه..إييييييييييييه
الأعداد بتزيد بتزيد ..واحنا عزيمة حديد فى حديد
وقاعدين ليوم العيد
اييييييييه.. إييييييييييه
آآآآآآآآه…العقارية بتقول آآآآآآآآآه
يا جرايد يا حكوميه.. سيبكوا بقى م الكورة شوية
يا وزير حسن ردك.. أحسن بكرة تحصل جدك (1)
قولوا ليوسف بطرس غالي أنزل من برجك العالي
معتصمين معتصمين ..معتصمين
والحق معانا.. ضد حكومة بتتحدانا
الرجالة فين؟ الستات أهم
يسقط اتحاد النقابات
يسقط التنظيم النقابي
الضرايب العقارية ليه متسابه ليه منسيه.. إيه.. إيه
يا سكان حسين حجازي (2) ..لكم حبي واعتزازى
العقارية بتقول آه فين العدل والمساواة

ملاحظات
1 – كان جد وزير المالية أحد أعضاء محاكمة شهداء مذبحة دنشواي.
2 – يقصد هنا بسكان شارع حسين حجازي – مقر الاعتصام- والذين تعاطفوا مع الموظفين، وفتحوا بيوتهم للنساء، وبعد أن قرر أحد السكان إلغاء رحلة حجه، وتبرع بنفقات الحج للموظفين المعتصمين.