بوابة الاشتراكي

إعلام من أجل الثورة

عمال وفلاحين

دراسة المرصد النقابي والعمالي المصري شهر فبراير 2008(2):

وقفة احتجاجية لموظفي مديرية التضامن الاجتماعي بالجيزة

بعد أن نال موظفي الضرائب العقارية حقوقهم في المساواة بزملائهم بمصلحة الضرائب العقارية، وقف موظفي مديرية التضامن بالجيزة وقفة إحتجاجية علي أوضاعهم المتدنية وذلك الساعة 12 ظهر يوم الخميس الموافق 31/1/2008، وذلك أمام مجمع الجيزة، وقد كان عددهم حوالي 200 موظف وموظفة، وقد كان العدد الأكبر في الوقفة للموظفات، اللائي نزلن من مكاتبهن رغم مرور مدير المديرية ممدوح الفكهاني حسب ما ذكر الكثير من الموظفين والموظفات وتهديدهم بأن من سينزل ليشارك في الوقفة الإحتجاجية سوف يعتقل من قبل الشرطة، كما هددهم بأنه سوف يشطب عليهم بدفتر الحضور والإنصراف، كما قام الأمن في بداية الوقفة بغلق باب المجمع حتي يمنع أي من الموظفين بالخارج من الذهاب لإستدعاء زملائهم من مكاتبهم، وكذلك لمنع زملائهم من الإنضمام إليهم، ثم فتح الباب بعد ذلك، حيث أن المجمع يحتوي علي أكثر من 6 مديريات، كمديرية الصحة، ومديرية الضرائب العقارية، وحي جنوب الجيزة، والنيابة الإدارية، والإصلاح الزراعي، مديرية التضامن الإجتماعي…


وقد رفع الموظفين لافتات كتب عليها العديد من الشعارات مثل “أجرنا = 3 كيلو لحمة، أجرنا يساوي جزمة” ” يا مصيلحي كيف نعيش…موظف مش لاقي العيش” ” يا مصيلحي يا بن الحلال…فين قوت العيال” ” الموظف الشريف… بقي مش لاقي الرغيف”  “أربط أجري بالأسعار… أصل العيشة مرة مرار” يا وزير التضامن  عايزين المساواة” ” يا وزير التضامن حل الأزمة!! إحنا وزارة ولا محافظة؟” ” أسمنا شئون إجتماعية، ومش لا قيين عيشة هنية”


كما بدأ الموظفين بعد نصف ساعة من بداية وقفتهم الإحتجاجية في الهتاف فكانت هتافاتهم ما يلي :


مش هنسلم ، مش هنبيع، حق عيالنا مش هيضيع


يا وزير قول الحق، إحنا وزارة ولا لأه


حد يقول إزاى نعيش، وإحنا مش لاقيين العيش


 بالروح بالدم رزق عيالنا أهم


أنتو بتاخدوا الألوفات، وإحنا بناخد جنيهات


 أنت فين يا نظيف، مش لاقيين ثمن الرغيف



        وبالحديث مع الموظفين والموظفات عن مطالبهم، سمعت منهم “إحنا عاوزين نتساوى بزملائنا في الوزارة، إحنا بنتطلتم في الشوارع، من غير أي حافز وزمايلنا في الوزارة قاعدين علي المكاتب بياخدوا حافز 150% علي أساس شغلنا إحنا، وإحنا اللي عملنا الشغل محرومين من هذا الحافز”


وقالت موظفة ” أنا بشتغل بقالي 30 سنة، درجة أولي مرتبي 500 جنيه، أنا لو كنت بمسح عربيات كان زماني واخدة موقف، عندي بنتين في الجامعة، أبوهم مات وسابهم لي، وما سبلناش أي حاجة، جاء عريس لبنتي رفضته علشان ما عنديش أجهزها، حتي لما قدمت في مديرية الشئون عندنا علشان يدوني معونة قالوا لي لأه أنتي مرتبك أكثر من 400 جنيه، طيب أعمل أيه ونعيش إزاى؟؟!!”